ⴰⵎⴰⴳⵔⴰⴷ ⴼ ⵄⵢⵢⴰⴷ ⴰⵍⵃⵢⴰⵏ

Rachid Bejna

ⵄⵉⵢⵢⴰⴷ ⴰⵍⵃⵢⴰⵏ

 ⵉⵍⵓⵍ ⵓⵙⵍⵎⴰⴷ ⴷ ⵓⵎⴰⵔⴰ ⵄⵉⵢⵢⴰⴷ ⴰⵍⵃⵢⴰⵏ ⴳ ⵓⵙⴳⴳⵯⴰⵙ ⵏ 1970 ⴳ ⵡⴰⵛⵜⵓⴽⵏ ⵉⵙⵓⵡⵔⵉ ⴳ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⴼⵔⴰⵏⵙⵉⵙⵜ ⴳ ⵓⵙⵉⵏⴰⵏ ⵎⴰⴷ ⵉⴳⴰⵏ ⵙⵉⵎⵔⴰⵏ ⵏ ⵓⵙⴳⴳⵯⴰⵙ. ⵢⵓⵎⵣ ⴰⵙⵍⵉⴳ ⵏ ⴷⴷⵓⴽⵟⵓⵕⴰ ⴳ ⵜⵙⴽⵍⴰ, ⴰⵔ ⵉⵙⵓⵡⵔⵉ ⵖⵉⵍⴰ ⴰⵙⵍⵎⴰⴷ ⵏ ⵓⵙⵙⵍⵎⴷ ⴰⵏⴰⴼⵍⵍⴰ ⴳ ⵜⵥⵓⵏⵉ ⵏ ⵜⵓⵜⵍⴰⵢⵜ ⴷ ⵜⴷⴽⵍⴰ ⵜⴰⵎⴰⵣⵉⵖⵜ ⴳ ⵜⵖⵉⵡⴰⵏⵜ ⵏ ⵜⵙⴽⵍⴰ ⴷ ⵜⵎⴰⵙⵙⵏⵉⵏ ⵜⵉⵏⴰⴼⴳⴰⵏⵉⵏ ⴳ ⵜⵙⴷⴰⵡⵉⵜ ⵉⴱⵏ ⵥⵓⵀⵕ ⴳ ⵓⴳⴰⴷⵉⵔ. ⵉⵙⵙⵓⴼⵖ ⴷ ⴳ ⵢⵉⴳⵔ ⵏ ⵜⵎⴷⵢⴰⵣⵜ :

 • 2010 ⵡⵉⵙ ⵙⴰ ⵉⴳⵏⵡⴰⵏ.

 • 2011 ⵜⴳⴰ ⵜⴳⵓⵔⵉ ⵜⵉⵙⵍⵉⵜ ⵉⴳ ⴰⵙ ⵉⴹ ⵉⵎⵉⵛⵉⵍ.

 • 2013 ⴰⵊⵏⴹⵉⴹ ⴳⵔ ⵜⴳⵓⵔⵉⵡⵉⵏ.

 • 2014 ⴰⵣⵡⴰⴳ ⴳⵔ ⵜⴳⵓⵔⵉⵡⵉⵏ. 

• 2017 ⵙⴰ ⵉⴳⴳⵓⵔⴰ ⴷⴰⵔ ⵉⵍⵍⵉⵙ ⵏ ⵜⴰⴼⵓⴽⵜ.

 • 2021 ⴽⴽⵉⵖ ⵜⵜ ⵉⵏⵏ.

 • 2022 ⵉⴳⴳⵓⵔⴰ ⵉⵎⴳⴳⵓⵔⴰ ⴷⴰⵔ ⴷⵔⴰⵔⴰⵣⴰⴷ. 

ⴳ ⵢⵉⴳⵔ ⵏ ⵡⴰⵍⵍⴰⵙ ⵉⵙⵙⵓⴼⵖ ⴷ : 

ⴳ ⵓⵙⴳⴳⴰⵙ ⵏ 2011 ⵢⵓⵔⴰ ⵢⴰⵜ ⵜⵎⵣⴳⵓⵏⵜ ⵍⵍⵉ ⵎⵉ ⵉⴳⴰ ⵙ ⵓⵣⵡⵍ : ⵜⵡⴰⵔⴳⵉⵜ ⵏ ⵓⴼⴳⴰⵔⴳⴰⵏ. 

ⴳ ⵓⵙⴳⴳⴰⵙ ⵏ 2012 ⵢⵓⵔⴰ ⵓⵏⴳⴰⵍ ⵏⵏⵙ ⴰⵎⵣⵡⴰⵔⵓ ⵍⵍⵉ ⵎⵉ ⵉⴳⴰ ⵙ ⵡⴰⵙⵙⴰⵖ : ⵢⴰⵏ ⵓⵙⴳⴳⵯⴰⵙ ⴳ ⵜⵣⴳⵉ.

 ⵢⵓⵔⴰ ⵓⵍⴰ ⴳ ⵢⵉⴳⵔ ⵏ ⵜⵓⵍⵍⵉⵙⵜ, ⵉⵙⵓⵖⵍ ⵙ ⵜⵎⴰⵣⵉⵖⵜ ⵢⴰⵜ ⵜⵓⵍⵍⵉⵙⵜ ⵏ ⵓⵎⴰⵔⴰ ⵎⵓⴱⴰⵙⴰⵏ (le singe). ⵜⴼⴼⴰⵖ ⴰⵙ ⴷ ⵢⴰⵜ ⵜⵡⵛⴽⵉⵏⵜ ⵏ ⵜⵎⴷⵢⴰⵣⵉⵏ ⵙ ⵜⴼⵕⴰⵏⵚⵉⵚⵜ ⴷⴷⵓ ⵓⵣⵡⵍ (fragments emergents ).

 ⴷⴰⵔ ⵙ ⵓⵍⴰ ⵜⵓⴳⵜⵜ ⵏ ⵉⵎⴰⴳⵔⴰⴷⵏ ⴼ ⵜⵙⴽⵍⴰ ⵜⴰⵎⴰⵣⵉⵖⵜ ⵜⴰⵜⵔⴰⵜ ⴷ ⵓⵙⵓⵖⵍ ⵙ ⵜⵎⴰⵣⵉⵖⵜ. ⵢⵓⵎⵣ ⵜⵓⴳⵜⵜ ⵏ ⵜⵙⵎⵖⵉⵔⵉⵏ : 

• ⵜⴰⵙⵎⵖⵓⵔⵜ ⵏ ⵜⵔⵏⴰⵡⵜ ⴰⵙⴳⴳⵯⴰⵙ ⵏ 2007 ⵜⴼⴽⴰ ⴰⵙ ⵜⵜ ⵜⵎⵙⵎⵓⵏⵜ ⵉⴽⵓⴷⴰⵔ ⵙ ⵜⵡⵉⵙⵉ ⴷ ⵜⵖⵉⵡⴰⵏⵜ ⵏ ⵜⵙⴽⵍⴰ ⴰⴳⴰⴷⵉⵔ

 • ⵜⴰⵙⵎⵖⵓⵔⵜ ⵏ ⵓⵎⵣⴳⵓ ⴰⵙⴳⴳⵯⴰⵙ ⵏ 2011 ⵜⴼⴽⴰ ⴰⵙ ⵜⵜ ⵜⵉⵔⵔⴰ ⵜⴰⵣⵍⵖⴰ ⵏ ⵉⵎⴰⵔⴰⵜⵏ ⵙ ⵜⵎⴰⵣⵉⵖⵜ.

 • ⵜⴰⵙⵎⵖⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜⴰⵙⴳⴳⵯⴰⵙ ⵏ 2013 ⵉⴼⴽⴰ ⴰⵙ ⵜⵜ ⵓⵙⵉⵏⴰⴳ ⵙⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ. • ⵜⴰⵙⵎⵖⵓⵔⵜ ⵏ ⵍⵎⵖⵔⵉⴱ ⵉ ⵓⴷⵍⵉⵙ ⴰⵙⴳⴳⵯⴰⵙ ⵏ 2018 ⵜⴼⴽⴰ ⴰⵙ ⵜⵜ ⵜⵎⴰⵡⴰⵙⵜ ⵏ ⵜⵓⵙⵙⵏⴰ

. • ⵜⴰⵙⵎⵖⵓⵔⵜ ⵏ ⵙⴰⵄⵉⴷ ⴰⵛⵜⵓⴽ ⴳ ⵓⵙⴳⴳⵯⴰⵙ 2019 ⵜⴼⴽⴰ ⴰⵙ ⵜⵜ ⵜⵎⴰⴳⵔⴰⵡⵜ ⵜⴰⵎⴰⵢⵏⵓⵜ ⴰⵢⵜ ⵎⵍⵍⵓⵍ.

 • ⵜⵙⵎⵖⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵜⵥⴰⵢⵜ ⵏ ⵓⵙⵙⵍⵎⴷ ⴰⵙⴳⴳⵯⴰⵙ 2020 ⵉⴼⴽⴰ ⴰⵙ ⵜⵜ ⵓⵙⵉⵏⴰⴳ ⵙⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ. ⵃⴰⵎⵣⴰ ⴳⴳⵓⵍⴰⵃⵢⴰⵏ